الشيف هالة فهمي تبكي في أول ظهور بعد وفاة زوجها: دوقت طعم المر (فيديو)
لم تتمالك الشيف هالة فهمي دموعها في أول ظهور لها بعد وفاة زوجها.
وعادت هالة فهمي لتقديم برنامجها "ست الحبايب" على قناة "هي" وفي مقدمة حلقة اليوم نعت زوجها وهي متأثرة وقالت: "إيهاب مكنش بس جوزي ولا عشرة عمري كان أخويا وأبويا وابني، أنا اتجوزته وأنا صغيرة، أنا عشت معاه أكتر ما عشت في بيت أبويا".
واضافت هالة فهمي: "لما أبويا مات محستش بالإحساس اللي حساه دلوقتي، وحتى أمي لما ماتت زعلت طبعا لكن غير اللي حاسه بيه دلوقتي، أنا الفترة اللي فاتت دوقت طعم المرار حتى بوق المايه طعمه مر حاسه أني لوحدي رغم كل الناس اللي حواليا".
وتابعت: "أول مرة أطلع حلقة وهو مش قاعد يتفرج، كان عنده الساعة 12 ميعاد مقدس، حتى لما الفترة الأخيرة كان تعبان وساعات يغيب عن الوعي كان يركز وقت البرنامج ويطلب يفتحوا التليفزيون".
واختتمت كلامها: "كنت أرجع وأفضل أحكيله، هو عشرة العمر وحبيب العمر، هتقولولي هو في مكان أحسن، وارتاح ويارب يجعل كل الآلم اللي كان فيه في ميزان حسناته".
ورحل زوج الشيف هالة فهمي قبل أسبوع بعد معاناة من المرض.
عن المصدر: قعدة نت
قعدة نت - اول شبكة ترفيهية على الانترنت فى مصر.
