موضوع مايهمكش: 9 حقايق ماتعرفهاش عن البط الأصفر المطاطي 
الخبر من المصدر : أضغط هنا

بمناسبة إن يوم 13 يناير هو يوم البط الأصفر المطاطي اللي بيقعد معاك في البانيو ده لحد دلوقتي في سنك ده (مع إنه المفروض يبقى قاعد مع أطفالك) وبما إنها لعبة ممتعة والكل بيحبها فخلينا نعرف شوية معلومات وحقايق ماتعرفهاش عن البط الأصفر المطاطي اللعبة حسب ما قال موقع “cbc” وموقع “interesly”:

البط الأصفر ده تم اختراعه في أواخر القرن الـ 19 لإن الأطفال كانوا بيخافوا يقعدوا في البانيو واللعبة دي ماكنتش معمولة عشان تعوم جنب الأطفال في البانيو بس كانت عشان الأطفال يمسكوها ويستخدموها كعضاضة فكانت أصلب واتقل من كده.

فيه نحات اسمه “بيتر جانين” في الأربعينيات هو اللي قام صناعة البطة الصفرا فماكنش للبطة الصفرا المطاطية دي وجود في العالم أصلا والنحات ده هو اللي حصل على براءة اختراع البطة دي لحد ما باع منها أكتر من 50 مليون بطة.

في 2001 صحيفة The sun البريطانية قالت إن الملكة إليزابيث عندها في الحمام بتاعها بطة.

بالرغم إن اسمها بطة مطاطية إلا إنها مصنوعة من البلاستيك.

في مسلسل الأطفال العالمي المشهور “Sesame street” غنالها شخصية من شخصيات المسلسل لدرجة إن الأغنية انتشرت جدا في السبعينات وكانت متصدرة قوائم الموسيقى كمان واتشرحت لجاية “جرامي”.

فيه 8 ألاف بطة ضاعوا في المحيط الهادي من سنة 1992 ولسه بيظهروا في بعض الشواطئ لحد دلوقتي وبيطلقوا عليهم لقب العوانات الصديقة، وفيه بطة منهم عدت بـ 3 محيطات وعامت 15 سنة وتم العثور عليها في الساحل الغربي لاسكتلندا، وفي 2003 عرض موزعين ألعاب في أمريكا مكافأة  100 دولار لكل بطة حد هيلاقيها، ولكن عموما البط ده بيساعد العلماء عشان يعرفوا معلومات أكتر عن الأمواج وتيارات المحيط.

سنة 2014 فيه راجل أمريكي بني أكبر بطة مطاطية في العالم ارتفاعها حوالي 19 متر قد ارتفاع مبنى طوله 6 أدوار وبتلف في البحر حوالين العالم وبتقف في مواني كتير وبتستخدم في المهرجانات عشان تجذب انتباه الناس بحجمها الكبير.

الناس في العالم بيعملوا سباقات للبط المطاطي عن طريق إنهم بيروحوا أماكن فيها مياه جارية وببيحدفوا البط بتاعهم والبطة اللي بتوصل لخط النهاية الأول بتكسب وبتكسب صاحبها.

فيه ست أمريكية اسمها “شارلوت” عندها أكبر مجموعة من البت في العالم وحققت رقم قياسي، عندها “5631” بطة صفرا مطاطية لحد دلوقتي 

أخبار متعلقة