#شرطة_الموضة: غادة عادل ترتدي بدلة بلا قميص في حفل Joy Awards … أجرت عليها هذا التعديل
الخبر من المصدر : أضغط هنا

حضرت الفنانة غادة عادل حفل توزيع جوائز Joy Awards الذي أقيم مساء السبت 21 يناير، في المملكة العربية السعودية.

واختارت غادة عادل بدلة باللون الأسود من Anippe مكونة من بليزر مكشوف الضهر سعره 5.350 جنيها، وبنطلون أسود سعره 1200 جنيه.

والبدلة بدون قميص لذا أجرت غادة عادل تعديلا بسيطا عليها، بوضع قطعة قماش لتغلق فتحة الصدر قليلا.

وتركت شعرها ينسدل مموجا على كتفها، ووشعت أحمر شفاه باللون الأحمر الغامق.

على جانب آخر، تشارك غادة عادل في بطولة فيلم "البطلة الصفرا" وتحدثت عنه موضحة سبب قبولها الدور رغم قرارها بالابتعاد عن الأعمال الكوميدية هذه الفترة.

وقالت غادة عادل: "في البداية كنت مترددة، لكن رامي السكري ومحمد حفظي منتجي الفيلم طلبوا مني قراءته فقط، قولت لهم أنا مش عايزة أعمل كوميدي الفترة دي، فقالوا لي طيب ممكن تقرأي بس علشان عايزين رأيك، ولما قرأت، من ربع الفيلم قولت لهما أنا شكلي هعمل الفيلم ده لأن الشخصية عجباني، والفيلم عاجبني"، حسب تصريحاتها لبرنامج "The Insider بالعربي".

وتابعت: ساعات بيبقى دور البنت في الأفلام الكوميدي مش حلو، ودي كانت أكتر حاجة بتضايقني شوية في الأفلام الكوميدي أن بيبقى دور البنت علشان لازم يبقى فيه واحدة تعمل أي حاجة مش مهمة، ولكن لما قرأت الفيلم ده هو فيه فيلم حلو وتقيل والكوميديا السوداء وفيه موضوع وفيه شخصيات حلوة.

وتحدثت غادة عادل عن تفاصيل دورها في فيلم البطة الصفرا، قائلة: "أقدم شخصية جديدة جدا علي ومختلفة وخوفتني، والشخصية نفسها فيها حاجات كتير أنا معملتهاش في مشواري الفني قبل كده، وده حمسني إن فيلم كوميدي في دور البنت كبير ومهم".

فيلم "البطة الصفرا" من بطولة غادة عادل، ومحمد عبد الرحمن توتا، محمود حافظ وفرح الزاهد، وإبرام سمير وحسن أبو الروس وأحمد طلعت، والفيلم قصة وسيناريو وحوار محمود عزت ومن إنتاج المنتج رامي السكري، ويشارك في إنتاجه السيناريست والمنتج والرئيس السابق لمهرجان القاهرة السينمائي الدولي محمد حفظي بالإضافة إلى المنتجين كريم السكري وحامد مصطفى.